انا قولت ان انت صفحة من حياتي

انا قولت ان انت صفحة من حياتي قلبتها
ايام بلعنها كل ما بفتكر يوم منها
ايام بندم عليهاا يارتني عمري ما عشتها
انا هفضل اقول كرهت باعلي حس واعلي صوت
انا بيني وبينك انت اتقطعت كل الخيوط
انسي اني ارجع واسامحك مستحيل ده انا لو بموت
وانا مين علمني اكون قادر ومين قواني غيرك
انا منك شوفت قسوة مشوفتهاش من حد غيرك
ايوة اتعلمت منك ايوة كتر الف خيرك
انسي الايام دي ترجع ذكرياتي معاك بتوجع
مهما تبكي ومهما تدمع كل شئ بينا انتهي
انسي القلب الحنين قلبي جرحه مكنش هين
من سنين وانا مش مبين الف دمعة مسحتها
يا سلام علي الدنيادي رجعتلي وندمان عليا
دوق وجرب من المرار والاسية وحسها
انا كنت زمان بقول عشان حبيبي اتحملك
كل ماتبعدني عنك كنت برجع احنلك
مجنون مين ده اللي تاني يقول واحشني اشتقتلك
ولا ذكري معاك فاكرها ملكشي عندي زكريات
انا بندم علي الثواني والدقايق والساعات
واهي غلطة واديني اهو اتعلمت من كل اللي فات
وانا هنسي يوم ما جيتلك كنت رافض دنيتي
انا كنت في عز ضعفي قبلت ضعفي بقوتك
لو كنت صحيح حبيبي قولي ايه اللي مسكتك ؟؟؟