جييتك يا لبحر

**عاشق البحر** الخميس نوفمبر 18, 2010 11:27 am

جيتك يا البحر غير باش تصبرني
ساعا رجعت أنا نصبر فيك

راني حاس بحالك راك غايضني
راني حاس بلي راه صاري بيك

مين راح الصيف وجا الشتا ضحيت وحداني
الغزلان ليوم كلها هجرت عليك

ماشي غير نتا يالبحر لي راك تعاني
حتى أنا الحقرة هي لي جابتني ليك

حتى أنا حبيب قلبي راح وعاداني
ونسى بلي كان معايا فالحب شريك

مزالني نتفكر فلي راح وخلاني
ولو نعيدلك همي يالبحر فهمك ننسيك

قابض الورقة نكتب الدمع في عياني
يالي بكيتي هاذ القلب تدور الدنيا ونبكيك